ఎమ్మెల్సీ స్థానాలకు అభ్యర్థులను ప్రకటించిన సీఎం చంద్రబాబు

TDP MLC Candidates: APలో రాజకీయాలు మళ్లీ ప్రారంభం కానున్నాయి. గత అసెంబ్లీ ఎన్నికల తర్వాత ఏపీలో జరిగిన తొలి ఎన్నికల్లో తెలుగుదేశం అధినేత, సీఎం చంద్రబాబు కీలక నిర్ణయం తీసుకున్నారు. ఈ విధంగా త్వరలో భర్తీ చేయనున్న రెండు ఎమ్మెల్సీ పట్టభద్రుల స్థానాలకు అభ్యర్థులను ఖరారు చేశారు.

గుంటూరు, కృష్ణా జిల్లాల పట్టభద్రుల ఎమ్మెల్సీ అభ్యర్థిగా ఆలపాటి రాజేంద్రప్రసాద్‌ ఎంపికయ్యారు. మరో స్థానంలో ఉభయ గోదావరి జిల్లాల పట్టభద్రుల ఎమ్మెల్సీ అభ్యర్థిగా పారా బత్తుల రాజశేఖర్ పేరు ఖరారైంది.

కృష్ణా-గుంటూరు, ఉభయగోదావరి (పశ్చిమ-తూర్పు), ఉత్తరాంధ్ర జిల్లాల పట్టభద్రుల ఎమ్మెల్సీలు కేఎస్ లక్ష్మణరావు, పాకలపాటి రఘువర్మ, దారం వెంకటేశ్వరరావుల పదవీకాలం వచ్చే ఏడాది మార్చి 29తో ముగియనుంది. ఈ నేపథ్యంలో ఆయా స్థానాలకు ఎన్నికలు నిర్వహించేందుకు రాష్ట్ర ఎన్నికల సంఘం చర్యలు తీసుకుంటోంది.